Viaxe ás terras templarias do Burgo do Faro, Betanzos e Pontedeume
28 de xuño: Conferencia de Carlos Pereira Martínez (historiador), sobre Os camiños dos Templarios por Galiza e Portugal
1ª viaxe do Ciclo do Pan por Ortigueira e Santo André de Teixido
O Pan Noso
O Pan Noso
Por Felipe-Senén
Por algo o pan se fai sacramento e misterio: “produto da terra e do traballo…” Cerimoniosamente érguese coas mans , conságrase e compártese co viño. Pan e viño debuxan a cultura dun país. Por algo este sabio cabo do mundo, feito por magos e meigas, ten cáliz de viño e pan como escudo.Terreal cunca e solar bolo de pan: ansiado caldeiro céltico, despois Graal do Xoves Santo , teimudamente buscado por Arturo e seus cabaleiros, encarnacións de Breogán e dos seus soldados , de venerados santos cabaleiros, quixotes na procura de paraísos perdidos ou negados neste país que moito sabe de erguer mesas, altares e misas: Santiago, San Martiño nosos. Claro que “con pan e viño xa se anda o camiño”.
Arqueoloxía de prehistóricos muiños de barco, de pequenas “metas” e “catillas” antigas rodas de muíños de man que atopamos nos castros. Son algunhas das pegadas do que hai dous mil anos nos contaba Estrabón: que aqueles galaicos amasaban a fariña da “faba equina”...vai saber o que se di e o que era...pra facer filloas, empanada sobre a pedra quente... Lume, festa e danza arredor da lúa. Celebradas por reis, trobeiros e princesas nos capiteis medievais do Pazo de Xelmirez.
Xavier Castro Pérez
XAVIER CASTRO PÉREZ, natural de Cangas (Pontevedra) é escritor e Catedrático
de Escola Universitaria de Historia Contemporánea na Universidade de
Santiago, desempeñando o seu labor na Facultade de Xeografía e Historia.
Tamén desenvolveu tarefas de docencia e investigación na Université de
Rennes e na École des Hautes Ètudes en Sciences Sociaux (París. Impartiu
tamén cursos sobre a cultura do viño. Foi director de varios proxectos de
investigación e promoveu en Ourense as Xornadas de Historia de Galicia (12
publicacións). Foi subdirector da revista Grial e comisario da Exposición
do Cincuentenario da Editorial Galaxia. Forma parte da rede de
investigadores europeos especializados en historia da alimentación (Institut
Europeen D?Histoire de L?Alimentation) e tense desempeñado como asesor
histórico en varios proxectos audiovisuais (As leis de Celavella, A casa de
1906). Estas son as súas principais publicacións:
O Galeguismo na encrucillada republicana, A lume manso (Galaxia, 1998),
Castelao e os galeguistas do interior (Galaxia, 2000). Ayunos y
yantares: Usos y costumbres en la historia de la alimentación (Nivola,
2001) (Premio Nacional de Gastronomía). A la sombra ejemplar de los
parrales. Cultura del vino en Galicia y otros espacios peninsulares
(NigraTrea, 2006). Historia da vida cotiá en Galicia (Séculos XIX-XX)
(NigraTrea, 2007) (Premio de Investigación Ferro Couselo). A rosa do viño.
Cultura do viño en Galicia (Galaxia, 2010) (Premio Deza Investigación,
concedido polos concellos da Comarca do Deza (Pontevedra). (Premio Gourmand
World Awards 2010). A mesa e manteis.
Historia da alimentación en Galicia, Editorial Biblos (Colección Mandaio), A
Coruña, 2010 (Premio Gourmand World Awards 2010; Premio Nacional de
Gastronomía ?Álvaro Cunqueiro?, ano 2011). Yantares gallegos. Historia de la
dieta atlántica, Universidad de Santiago / Fundación Dieta Atlántica,
Santiago, 2010.